Çavuşoğlu Paqıstan räsmiläre belän telefonnan söyläşte

Ul cir teträw uñyınnan ilneñ qayğısın urtaqlaştı

1963943
Çavuşoğlu Paqıstan räsmiläre belän telefonnan söyläşte

Türkiyä tışqı êşlär ministrı Mävlüt Çavuşoğlu Paqıstan prem’yer-ministrı Şahbaz Şärif häm Paqıstan tışqı êşlär ministrı Bilaval Bxutto Zardari belän telefonnan söyläşte.

Çavuşoğlu söyläşülärdä Äfganstannıñ Hindikuş töbagendä bulğan häm Paqıstanğa da täêsir itkän 6,5 ball zurlığındağı cir teträw uñayınnan ilneñ qayğısın urtaqlaştı häm Paqıstanğa teläktäşlek belderde.

Paqıtan wäqalätleläre Mävlüt Çavuşoğluna räxmät äyttelär.

Çavuşoğlu üzeneñ Twitter akkauntında ingliz telendä urtaqlaşqan belderüendä cir teträwdän zıyan kürgän Paqıstan, Äfganstan, Qazaqstan, Qırğızstan, Üzbäkstan ,Törekmänstan,Tacikstan häm Hindıstan belän bergä, berdäm buluların citkerep, “Uylarıbız häm doğalarıbız” sezneñ belän dip yazdı”.  

21 nçe martta Äfganstannıñ Hindikuş töbägendä 6,5 ball zurlığında cir teträw bulğan häm ul Paqıstanda, Hindıstanda ,qayber Urta Aziya illärendä dä köçle sizelgän ide.



Bäyläneşle xäbärlär