Akar - Şoygu söyläşüe

Türkiyä saqlanu ministrı Hulusi Akar Rusiya Federaśiyäse saqlanu ministrı Sergey Şoygu belän telefonnan söyläşte.

Ministrlıqtan yasalğan belderügä qarağanda, alar Ukraina häm aşlıq cibärü, şulay uq Süriyäneñ tön’yağındağı wäzğıyät’ xaqında süz alıp bardı.

Hulusi Akar global’ azıq-tölek krizisın çişügä zur öleş kertkän aşlıq iniśiativasın ozaytudağı xezmättäşlektän qanäğat’ buluın belderep, aşlıq cibärüne özleksez däwam itüneñ ähämiyätenä basım yasadı.

Akar Türkiyäneñ töbäktä tınıçlıq urnaştıru häm gumanitar yärdäm kürsätüdä üz öleşen kertüne däwam itäçägen assızıqladı.

Türkiyä saqlanu ministrı Kaxramanmaraştağı cir teträwlärdän soñ Rusiyäneñ yärdäme häm teläktäşlege öçen räxmäten citkerde.