Saqlanu sänäğatendä xezmättäşlek itüçelär 84 buldı
Türkiyä 2022nçe yılda saqlanu sänäğatendäge xezmättäşlären 84kä citkerde
Türkiyäneñ saqlanu sänäğatendä xezmättäşlek itkän däwlätlär sanı 84kä citte.
Törek saqlanu sänäğate uzğan yıl bik küp şirkäte belän Filippinnarda, Katarda, Malayziyädä, Çilida, Kön’yaq Afrikada, Pol’şada, Azärbaycanda, İndoneziyädä häm Paqıstanda uzğan kürgäzmälärdä qatnaştı. Monnan tış, Rumıniyä, Latviyä, Braziliya, Benin, Senegal, Nigeriya, Niger, Uganda, Tanzaniya, Azärbaycan, İndoneziya, Rusiyä, Paqıstan häm Portugaliya belän tarmaqta xezmättäşlekne üsterü cıyılışları uzdırıldı.
Türkiyä 2022nçe yılda Braziliya häm Kongo demokratik cömhüriyäte belän saqlanu sänäğatendä xezmättäşlek kileşüe imzaladı. Şulay itep mondıy kileşü tözelgän illär sanı 84kä citte. Alar arasında AQŞ, Germaniya, Azärbaycan, Berläşkän Ğaräp Ämirlekläre, Bangladeş, Angliya, Burkino-Faso, Aljir, Djibuti, Qıtay, Filippinnar, Finlyandiya, Gabon, Kön’yaq Koreya, Ğıyraq, İzrail, Kamerun, Katar, Kolumbiya, Kuveyt, Vengriya, Mongoliya, Misır, Nigeriya, Norvegiya, Pol’şa, Ruanda, Rusiyä, Süriyä, Çili, Tunis, Yordaniya häm Venesuêla da bar.
Älege kileşülär yaqlarnıñ iminlek oyışmalarına kiräk bulğan härtörle saqlanu sänäğate êşlänmäse häm xezmäte belän turıdan-turı täêmin itü, modernizaśiyäläw, citeşterü, öçençe yaqlarğa satu, inventar’dağı sistema häm platformalarnı qarap-tözätü, tapşıru, texnologiyä transferı, belem birü, mäğ’lümat almaşu şikelle mäs’älälärne üz êçenä ala.
