Awrupa Berlegennän Türkiyägä yärdäm

Awrupa Komissiyase cir teträwdän soñ qabat tözekländerü öçen Türkiyägä 1 milliard yevrolık yärdäm kürsätäçäk.

Awrupa Berlege Bel’giya başqalası Bryussel’da Türkiyä häm Süriyädä zilzilä töbäklärenä finans yärdäm cıyu maqsatı belän Xalıqara Xäyriyäçelär konferenŝiyase oyıştıra.

Awrupa Berlege Komissiyase başlığı Ursula fon der Lyayen konferenŝiyaneñ açılışında 6 fevral’ könne barlıqqa kilgän Tükiyä häm Süriyädäge cir teträw töbäklärenä yärdäm kürsätergä çaqırdı.

Lyayen: “Awrupa Komissiyase cir teträwdän soñ qabat tözekländerü öçen Türkiyägä 1 milliard yevro külämendä yärdäm kürsätäçäk,” – dide.

Şveŝiya prem’yer-ministrı Ul’f Kristersson da tübändägeçä citkerde: “Qayğı-xäsrätlärne beterä almıybız, cannarnı kire qaytara almıybız läkin yärdämläşü kürsätä alabız.”

Kristersson gumanitar yärdäm häm qabat tözekländerü öçen Şveŝiya bularaq 45 million yevrolık yärdäm kürsätülären açıqladı.