Cir teträw qorbannarınıñ sanı arta
Alarnıñ sanı 49 meñ 589 ga citte
Türkiyädä 6 nçı fevral’dä bulğan cir teträwlärdän ülüçelär sanı 49 meñ 589 ğa citte.
Bu xaqta ilbaşı urınbasarı Fuat Oktay belderde.
Ul Afätlär häm ğadättän tış xällär belän idarä itü koordinaśya üzägendä cir teträwlärdän soñ başqarılğan êşlär turında mäğ’lümat birde.
“Cir teträw arqasında barlığı 49 meñ 589 keşene yuğalttıq, şularnıñ 6 meñ 807 se - çit il watandaşları”,- dide Fuat Oktay.
İlbaşı urınbasarı cir teträw töbägendä çatır häm konteynerlar urnaştırunıñ özleksez däwam itüen belderep, çatırlarda 1 million 921, konteynerlarda 96 meñ 444 watandaşnıñ sıyınu urını belän täêmin itelüen äytte.
Fuat Oktay Adıyaman häm Şanlıurfadağı su bası fäläkätenä tuqtalıp, afättä 18 keşeneñ ğomeren yuğaltuın, yuğalğan 3 keşene êzläw däwam itüen belderde.
Bäyläneşle xäbärlär
Ärdoğan Törki däwlätlär oyışmasınıñ qorılu köne belän qotladı
Törkiyä ilbaşı Törki däwlätlär oyışmasın tağın da nığıtaçaqların citkerde
