Yaponnar Van mäçesenä xäyran qaldı

Yaponiyäneñ Osaka şähärennän Türkiyäneñ Van töbägenä kilgän turistlar Van mäçelärenä xäyran qaldı. Alar maxsus saq astında. Van mäçeläre cirle xalıqnıñ da, çit ildän kilüçelärneñ dä qızıqsınuın uyata.

Älege dürt ayaqlı duslar yaxşı xolqı, aq yonı, ozın häm qabarıp toruçı qoyrığı, ike küzeneñ ike töstä buluı belän ayırılıp tora. Alar Vannın iñ ähämiyätle qıymmätläre arasında centekle räweştä saqlana.

Van mäçe öye bik küp illärdän kilgän turistlarnıñ yış kerep çığa torğan urınnarınnan berse. Här atna meñnän artıq keşene qunaq itälär.

Yaponiyäneñ Osaka şähärennän kilgän turistlar da Van mäçe öyenä bik qızıqsınıp bardı. Alar pesilärne sıypadı, aşattı häm küp itep fotoräsemgä töşerde.

Yaponiyä turistları Van mäçelären berençe tapqır bolay yaqınnan kürülären belderde. Alar fikerençä, älege pesilär ayıruça dustanä xolıqlı häm, şul säbäple, başqa mäçelärgä qarağanda, tağın da kübräk iğ’tibar cälep itälär.