AQŞtan F-16 turında yaña belderü

Amerika Quşma Ştatlarında Türkiyägä F-16 xärbi oçqıçları satu mäs’äläsendä yaña belderülär yasaldı.

Pentagonda jurnalistlarnıñ sorawlarına cawap birüçe saqlanu ministrı Lloyd Ostin Türkiyäneñ ähämiyätle NATO berlektäşe buluın xäterlätte.

“Türkiyä belän küptänge köçle mönäsäbätlärebez bar häm bez anı şulay saqlap qalu öçen qulıbızdan kilgänneñ barısın da êşlärgä uylıybız,”-dide ul. Ostin NATO berlektäşläre arasında berdämlekne saqlawnıñ östenlek buluın belderde.

İlbaşı Djo Bayden idaräse Türkiyägä F-16 xärbi oçqıçların satunıñ milli qurqınıçsızlıq mänfäğat’läre öçen kiräkle buluın alğa sörä.

AQŞ Kongressı isä älege satu öçen qayber şartlar quya. Şularnıñ berse - Şveśiyä häm Finlyandiyäneñ NATOğa kerüenä yul quyu.