EBRD wäqalätlese Türkiyägä säfär yasıy

Awrupa rekonstrukśya häm üseş bankı (EBRD) başlıq urınbasarı Yurgen Rigterink 12 nçe martta Türkiyägä kilä.

Banktan yasalğan belderügä qarağanda, Rigterink Türkiyägä 4 könlek säfär yasayaçaq, İstanbul häm Änkarada däwlät räsmiläre häm şäxsi tarmaq wäkilläre belän oçraşular ütkäräçäk.

Bank belderüendä Rigterinknıñ tübändäge süzläre dä urın ala: ”Türkiyä - Awrupa rekonstrukśiya häm üseş bankı öçen bik möhim il. İldäge fäläkät moñarçı kürelmägän däräcädä. Monıñ öçen nıq häm mäğ’näle yärdäm kiräk. Şuña kürä Awrupa rekonstrukśya häm üseş bankı (EBRD) kiläse 2 yılda Türkiyäneñ kön’yaq-könçığış töbägenä 1 milliard yarım yevroğa qadär investiśiya kertergä uylıy. Bank ilne torğızu öçen ozaq waqıtlı yärdäm kürsätergä äzer”.

Awrupa rekonstrukśiya häm üseş bankı Türkiyägä 2009 nçı yıldan birle yaqınça 17 milliard yevro investiśiya saldı.