Ärdoğannıñ Bruney soltanı belän oçraşuı

Türkiyä İlbaşı Räcäp Tayyip Ärdoğan 6nçı fevral’da barlıqqa kilgän häm 11 vilayätne teträtkän zilzilälärdän soñ Bruney-Darıssalam soltanlığı kürsätkän yärdämne onıtmayaçaqların äytte

1956635
Ärdoğannıñ Bruney soltanı belän oçraşuı

Ärdoğan Türkiyä räsmi säfär belän kilgän Bruney Darussalam Soltanı Waddaulah belän başqala Änkarada İlbaşı qolliyätendä oçraştı.

İke lider başta üzara söyläşte, annan soñ wäkilleklärara söyläşülärne citäkläde. Söyläşülär waqıtında könüzäk häm global’ temalar quzğatıldı.

Ärdoğan söyläşülärdä Fälästin, Roinga, İslam doşmanlığı kebek mäs’älälärgä häm Ukraina suğışına tuqtalıp uzuların, ASEAN häm İslam xezmättäşlek oyışması belän bergä regional’ häm xalıqara platformalarda xezmättäşlekne arttırunıñ möhimlege turında süz alıp baruların belderde.

Ärdoğan 6nçı fevral’da barlıqqa kilgän häm 11 vilayätne teträtkän cirteträwlärdän soñ Bruney Darussalam soltanlığı kürsätkän yärdämne onıtmayaçaqların iskärtep uzdı.

Bruney Darussalam soltanı Waddaulah ta Fälästinne yaqlaw yullamasın yasadı häm: “Bruney Fälästin belän teläktäşlek êçendä häm İzrailneñ höcümnären dä gäyıpli,” – dide.

Söyläşülärdän soñ 5 kileşügä qul quyıldı.

Türkiyä belän Bruney arasındağı mönäsäbätlärneñ tağın da nığıyaçağın citkerüçe Soltan Waddaulah ğasır fäläqäte arqasında Türkiyä belän teläktäşlekkä basım yasadı.

Waddaulah: "Bruney härwaqıt Türkiyä belän teläktäşlek êçendä. Törle yaqtan yärdäm itärgä äzer, xökümätneñ tırışuları belän häm törek keşeläreneñ çıdamlığı häm köçe belän Türkiyä bu tragediyanı da uzdıraçaq häm xätta tağın da köçle bulaçaq,” – dip äytte.



Bäyläneşle xäbärlär