Ärdoğan: “Cirteträwdän täêsirlängän vilayätlärne iñ qısqa waqıtta torğızaçaqbız”

İlbaşı Ärdoğan “Millätçe xäräkät” partiyası (MHP) Ğomum başlığı Däwlät Bahçäli häm “Böyık berlek” partiyası (BBP) Ğomum başlığı Mostafa Dästici belän 6nçı fevral’da barlıqqa kilgän cirteträwlärdän täêsirlängän Malat’yanıñ Doğanşähir ilçäsenä (rayonına) bardı.

Türkiyäneñ keşelek tarixınıñ iñ zur tabiğıy afätlärennän berse belän oçraşuına basım yasawçı Ärdoğan ministrlarnıñ, oyışmalarnıñ, cirle xakimiyätlärneñ, üzixtıyarıylarnıñ (volontyorlarnıñ) häm iñ möhime millätneñ êçkersez ğayräte häm yaqlawı belän qısqa waqıtta wazğıyätne tözätülären äytte.

Härtörle ixtıyaclarınıñ qanäğätländerelüendä cirteträwdän zıyan kürüçelärneñ yanında buluların belderüçe Ärdoğan: “Bez xalqıbız tormışın qurqınıç astına quyuçı böten binalarnı cimerep, tağın da nıq nigezlärdä yañaların salıp, watandaşlarıbızğa tapşıruda täwäkkäl,” – dip äytte.

Cirteträwdä täêsirlängän vilayätlärne iñ qısqa waqıtta yañadan torğızaçaqların iskärtep uzuçı Däwlät başlığı: “Bez monı êlek küp tapqır uñışlı başqardıq. Älazığ, Malat’ya, İzmir, Düzcä, Van cirteträwlärendä, Antaliya häm Muğla yanğınnarında, Kastamonu, Sinop, Bartın häm Giräsun su basu afätlärendä, “PKK” separatist terror oyışmasınıñ höcümnäre näticäsendä cimerek xälgä äylängän vilayätlärdä häm ilçälärebezdä (rayonnarıbızda) monı başqardıq. Bez watandaşlarıbızğa birgän süzlärne härwaqıt ütädek,” – dide.