Yärdämnär kilep tora

6 fevral’ könne barlıqqa kilgän Ğasır fäläkätennän soñ bar dön’yadan Türkiyägä yärdämnär kilep tora.

Soğud Ğaräbstanı Türkiyä häm Süriyädäge cir teträwlärdä zıyan kürüçelär öçen cibärgän oçqıç sanı 14 buldı. Härber oçqıç belän 30-40 tonna yärdäm materialı kilde.

Paqıstannan Malatya şähärenä töp yärdäm materialları, 2700 çatır häm 22 meñ odeyal urın alğan 20 yök maşinası kilde.

Alman rok törkeme “Toten Hosen” Türkiyä häm Süriyädäge zilzilälärdä zıyan kürüçelär belän yärdämläşü öçen oyıştırğan konŝertta 1 million yevrodan artıq aqça cıydı. Germaniyaneñ Köln şähärendä oyıştırılğan çarada oçraşqan töreklär häm nemeŝlar Türkiyädägelär öçen doğa uqıdı.

Somali başqalası Mogadişuda urnaşqan Türkiyä Diyanät waqıfı Şäyex Sufi isemendäge İmam Hatip liŝeyı Türkiyädäge cir teträwdä zıyan kürüçelärgä 2 meñ dollarlık yärdäm kürsätte.