Yärdämnär däwam itä

Türkiyäneñ Kahramanmaraş şähärendä barlıqqa kilgän häm 11 vilayät’ne teträtkän cir teträwlärdän soñ bar dön’yadan Türkiyägä yärdämnär kilergä däwam itä.

Awrupadağı töreklär qorğan, Türkiyädä êşçänlek başqaruçı ictimağıy oyışmalar yaralarnı beterü öçen yärdäm kürsätä.

Töbäktäge 4 waqıf 25 meñ üzixtıyari personal belän afät töbägendä.

Aş yortları, mobil’ aş-su bülmäläre, miçlär häm aş taratu maşinaları belän cir teträwdä zıyan kürüçelärgä xezmät kürsätelä.

Tön’yaq Makedoniyadağı êşmäkärlär häm ictimağıy oyışmalar da Türkiyä öçen yärdäm cıyunı däwam itterä.

Makedoniya Türkiyä Säwdä Palatası 28 yök maşinalık häm 250 meñ yevrolık aqçalata yärdämneñ Afät häm ğadättän tış xällär belän idarä itü räislegenä tapşırıluın belderde.

Makedoniyadağı Törek ictimağıy oyışmalar berlege dä kampaniya oyıştırıp, 92 meñ yevrolık yärdäm cıydı.

Xorvatiyada da zilzilädä zıyan kürüçelär öçen cıyılğan yärdäm miqdarı da 583 meñ yevroğa citte.

Avstriyadä tanılğan törek dizaynerı Atıl Kurtoğlu yärdäm çarası oyıştırdı.

Dizaynernıñ külmäklärennän täêmin itelgän kerem afät töbägenä cibäreläçäk.