Germaniya ministrları cirteträw töbägendä
Germaniya tışqı êşlär ministrı Annalena Berbok belän Êçke êşlär ministrı Nênsi Fezer "ğasırnıñ fäläqäte" dip bäyälängän 6nçı fevral’däge cirteträwlärneñ êpiśentrı Kahramanmaraşnıñ Pazarcık ilçäsenä (rayonına) bardı
Cirteträwdän soñ urnaştırılğan çatır şähärçegendäge watandaşlar belän küreşkän Berbok häm Fezer üzixtıyarıy (volontyor) alman tabibläre tarafınnan qorılğan mediśina xezmäte çatırında da buldı.
Berbok häm Fezer annan soñ rayon üzägendäge cimereklärne qaradı, jurnalistlarğa açıqlawlar yasadı.
Biredä yäşängännärne kürü öçen kilülären belderüçe Berbok: "Bu cirteträw fäläqäteneñ ülçämen biredä bulsağız da xätta süzlär belän belderep bulmıy,” – dide.
Tışqı êşlär ministrı biredä xalıqara yärdämneñ ni çaqlı möhim buluın kürülären belderde.
Çatır, mediśina äyberläre, azıq-tölek yärdäme, odeyal häm generatorlar öçen Germaniya xökümäte bularaq tağın 50 million yevro yärdäm täêmin itülären citkerüçe Berbok bu räweşle Germaniyanıñ cirteträwdän zıyan kürüçelärgä yärdämeneñ 108 million yevroğa citüen iskärtep uzdı.
Germaniyada tuğannarı buluçılar öçen viza barışın ciñeläytülärenä basım yasawçı Berbok keşelärneñ viza möräcäğätlären ciñel yasıy aluları öçen töbäktä "viza avtobusı”nıñ buluın citkerde.
Germaniya êçke êşlär ministrı Fezer dä cirteträwdän zıyan kürüçelär belän teläktäşlek öçen kilülären, biredä barı tik qayğını ğına tügel, yärdämneñ dä ni çaqlı yaxşı itep ireşüen kürülären dä belderde.
