Sport dön'yası "Türkiyä-ber yöräk" tapşıruında qatnaştı
Yözlärçä televideniye kanalı häm radionıñ urtaq tapşıruı "Türkiyä-ber yöräk" milliardlağan lira xäyriyä cıydı
Türkiyäneñ yaraların bäyläw öçen barlıq köç bergä tuplana. Törek mediası da yözlärçä televideniye kanalı häm radionıñ urtaq tapşıruı belän bu mobilizaśiyägä quşıldı.
Bik küp tanılğan şäxes qatnaşuçı “Türkiyä – ber yöräk” urtaq tapşıruında ilbaşı Räcäp Tayyip Ärdoğan da telefon aşa qatnaştı. “Barlıq zamannarnıñ rekordın uzdıraçaq san belän millätebez izge küñellelegen tağın ber kürsätäçäk,”-dide ul.
Maxsus tapşıruda sport dön’yasınıñ aldınğı şäxesläre qatnaştı.
“Galatasaray” klubı räise Dursun Özbäk, “Bäşiktaş” klubı başlığı Äxmät Nur Çäbi, “Fänärbaxçä” klubı citäkçese Ali Koç häm “Trabzonspor” klubı räise Äxmät Ağaoğlu turıdan-turı êfirda telefon aşa xäyriyä cıydı.
Türkiyä futbol federaśiyäse başlı Mäxmät Büyükäkşi dä programmağa şaltıratıp 1 million lira büläk itüen citkerde.
“Türkiyä- ber yöräk” urtaq tapşıruına il êçennän häm tışınnan yärdäm yawdı häm milliardlağan lira xäyriyä cıyıldı.
