Ömetlärne yañartuçı xäbärlär
Türkiyädäge afät töbäklärendä täwleklär uzğaç ta xaräbälär astınnan isän kileş çığarıluçılar bar
Türkiyädä cir teträw töbäklärendä yözlärçä qotqaru törkeme häm meñnärçä volontyer xaräbälär astınnan söyenderüçe xäbärlär birü öçen tırışa. Säğat’lär tügel, täwleklär uzsa da, ömetlärne qabat qabızuçı oçraqlar bulıp tora.
Xataynıñ Antakiya rayonında, zilzilädän soñ 101 säğat’ uzğaç, 30 yäş’lek Xikmät Yiğitbaşnı isän kileş tabıp aldılar. Diyarbakırda, şulay uq, 101 säğat’ ütkäç, änise häm ulın qotqardılar.
Kaxramanmaraşta 99 säğat’tän soñ - 1 keşe, Xatayda 98 säğat’tän soñ tağın ber keşe, 96 säğat’ uzğaç isä yäş’ yarımlıq bäbäy belän anıñ ğailäsennän 4 keşe isän-saw çığarıldı. Xatayda 10 könlek bäbäy belän änise dä cir teträwdän soñ 90 säğat’ ütkäç xaräbälärdän qotqarıldı.
Gaziantäptä cimereklär astında qalğan 17 yäş’lek Adnan Korkutnı 94 säğat’tän soñ çığardılar.
