Cir teträw cirleklärendä qır xastaxanäläre salındı
Kahramanmaraş êpiśentrlı 7,7 häm 7,6 zurlığındağı cir teträwlärdä häläq buluçılarnıñ sanı 8 meñ 574kä citte
6nçı fevral’dä cir teträwlär täêsirle bulğan töbäklärgä barğan İlbaşı Räcäp Tayyip Ärdoğan häläq buluçılarnıñ 8 meñ 574kä, yaralanuçılar sanınıñ 49 meñ 133kä citüen belderde.
Cimerelgän 6 meñ 444 binanıñ qaldıqlarında êzläw-qotqaru êşçänlege däwam itä.
Töbäkkä cibärelgän 90 meñnän kübräk ğailä yäşäw çatırınıñ 70 meñ 818e urnaştırıldı.
Afät cirleklärendä 96 meñ 670 êzläw-qotqaru personalı wazıyfa başqara.
Sälamätlek saqlaw ministrı Fahrettin Koca da, cir teträwdän täêsirlängän 10 vilayättä 77 qır xastaxanäseneñ tözelüen belderep: "Aşığıç sälamätlek saqlaw xezmäte birelgän bu xastaxanälärneñ ber öleşendä xirurgiya operaśiyälären dä yasıy alabız. Sälamätlek torışı risklı cir teträw qorbannarıbıznıñ berençe mediśina yärdämennän soñ boralaqlar belän töbäktäge xastaxanälärgä cibärelä,” – dip äytte.
