Terror oyışması cirteträwdän faydalanırğa teläde
Türkiyädä barlıqqa kilgän cirteträwlärdän faydalanırğa teläp höcüm itkän “PKK/YPG” terror oyışmasına qarşılıq kürsätelde
1942872
Êpiśentrı Kahramanmaraş bulğan 10 vilayättä barlıqqa kilgän cirteträwdän faydalanıp Kilis Öncüpınar çik buyı iminlek bülekçäseneñ cawaplılıq cirlegenä raketa belän höcüm itkän “PKK/YPG” separatist terror oyışmasınıñ tämeklärenä ikelätä köç belän cawap qaytarıldı.
Türkiyä Milli saqlanu ministrlığınnan yasalğan belderügä kürä, “PKK/YPG” terror oyışması, cirteträwdän faydalanıp, Süriyäneñ tön’yağında basıp alğan Täl Rıfattan Türkiyäneñ Öncüpınar çik buyı iminlek bülekçäseneñ cawaplılıq cirlegenä höcüm itte.
Belderüdä: "Keşelektän mäxrüm bulğan terror oyışması cirängeç räweştä küp sanda raketa höcümen yasadı. Xärbi berleklärebezgä zıyan kiterelmäde, terror tämeklärenä ikelätä köç belän cawap birelde,” – dip äytelde.
