Türkiyädä cir teträw

Türkiyäneñ Kahramanmaraş şähärenä bäyle Pazarcık rayonında 7,7 ball zurlığında cir teträw barlıqqa kilde.

Afättä 912 keşeneñ ğomere özelde, 2 meñnän artıq keşe yaralandı.

Afät häm ğadättän tış xällär räislege AFADtan yasalğan açıqlawda: “Kahramanmaraştağı zilzilä Türkiyä waqıtı belän 04.17dä, 7 çaqrım tiränlektä barlıqqa kilde,” – dip äytelde.

Cir teträw 10nan artıq şähärdä xis itelde.

Afättän soñ xalıqara yärdämne dä üz êçenä aluçı 4nçe däräcädäge sörän salındı.

Cimerelgän binalar bulğan urınnarda êzläw-qotqaru êşläre başladı.

Türkiyä ilbaşı Räcäp Tayyip Ärdoğan afättän soñ yullama yasap, bolay dide: “Kahramanmaraşta barlıqqa kilgän häm ilebezneñ şaqıy urınında xis itelgän zilzilädä zıyan kürgän barlıq watandaşlarıbız ütkeçe bulsın.”

İlbaşı yärdämçese Fuat Oktay häm qayber ministrlar isä cir teträwdän soñ AFAD Koordinaŝiya Üzägendä êşçänleklärne koordinaŝiyäli.