Törkiyädä milli matäm iğ’lan itelde

Ärdoğan milli matäm iğ’lan itelüen sośial’ media akkauntınnan citkerde. 

İlbaşı Ärdoğannıñ imzası belän basılğan kürsätmädä: "2023nçe yılnıñ 6nçı fevral’ könne ilebezdä barlıqqa kilgän cirteträwlär säbäbe belän 7 kön däwamında milli matäm iğ’lan itelde. Böten ildä häm çit illärdäge wäkilçeleklärebezdä 2023nçe yılnıñ 12nçe fevral’ yäkşämbe könne qoyaş batqanğa qadär bayrağıbız yartılay töşereläçäk,” – dip äytelde.

Êpiśentrı Kahramanmaraşnıñ Pazarcık häm Älbistan ilçäläre (rayonnarı) bulğan häm 10 vilayättä täêsirle bulğan 7,7 häm 7,6 zurlığındağı cirteträwlär arqasında 1 meñ 762 keşeneñ ğomere özelde, 12 meñnän kübräk keşe dä yaralandı.