İstanbul aêroportı – dönyanıñ "bäyläneşe iñ küp" 2nçe hawa mäydanı

İstanbul hawa mäydanı êşxanäsennän yasalğan belderügä kürä, aviaśiya tarmağına qağılışlı tikşerenülär ütkärgän “Cirium” "Dön’yanıñ bäyläneşe iñ küp aêroportları” isemlegen bastırdı.

“Lufthansa”nıñ Germaniyada urnaşqan töp üzäge Frankfurt hawa mäydanı 330 marşrut bäyläneşe belän isemlekneñ berençe urının aldı.

İGA İstanbul aêroportı 309 marşrut mömkinlegen täêmin itep ikençe buldı.

Franśiya başqalası Parijda urnaşqan Paris Charles De Gaulle aêroportı isä 308 urınğa oçu mömkinlege belän öçençe urınğa layıq buldı.

İsemlekkä kürä, Amsterdam Schiphol aêroportı dürtençe, Amerika Quşma Ştatlarınnan Chicago O'Hare hawa mäydanı bişençe, şulay uq Amerika Quşma Ştatlarınnan Dallas-Fort Worth aêroportı altınçı, Berläşkän Ğaräp Ämirlegendäge Dubai xalıqara hawa mäydanı cidençe, Angliya başqalası Londondağı Heathrow aêroportı sigezençe, İtaliya başqalası Rimda urnaşqan Fiumicino xalıqara hawa mäydanı tuğızınçı, Amerika Quşma Ştatlarında urnaşqan Denver aêroportı isä unınçı buldı.