Çavuşoğlu AQŞqa säfär yasıy

Türkiyä tışqı êşlär ministrı 18 nçe ğıynwarda başqala Vaşingtonda AQŞ däwlät särqätibe Êntoni Blinken belän küreşäçäk

1934195
Çavuşoğlu AQŞqa säfär yasıy

Türkiyä tışqı êşlär ministrı Mävlüt Çavuşoğlu räsmi säfär belän Amerika Quşma Ştatlarına kitte.

Ministrlıqnıñ yazma belderüendä äytelgänçä, säfär qısalarında Çavuşoğlu 18 nçe ğıynwarda başqala Vaşingtonda AQŞ däwlät särqätibe Êntoni Blinken belän ike yaqlı söyläşü uzdıraçaq.

Oçraşuda ike yaqlı mönäsäbätlär törle yaqlap qaralaçaq häm regional’ mäs’älalär xaqında fiker alışu küzdä totıla.

Ministr Çavuşoğlu üzeneñ vizitı turında sośial’ media akkauntnda belderü yasadı. “Amerika Quşma Ştatlarında  Türkiyä - AQŞ strategik mexanizmınıñ 2 nçe ministrlar cıyılışın uzdırabız, watandaşlar belän oçraşabız häm söyläşülär ütkäräçäkbez” dip yazdı ul anda.

Türkiyä tışqı êşlär ministrınıñ Amerika Quşma Ştatlarına säfäre 20 nçe ğıynwarğa qadär däwam itäçäk.



Bäyläneşle xäbärlär