Ul’f Kristersson: "Türkiyäneñ qararın xörmät itäbez"

Şveśiyä xökümäte räise Ul’f Kristersson ileneñ NATOğa kerüe mäs’äläsendä Türkiyä çığaraçaq qararnı xörmät itüen belderde. Ul başqala Stokğol’mda Awrupa Berlege şurası räise Çarl’z Mişel’ belän oçraştı.

Şunnan soñ urtaq matbuğat cıyılışında Kristersson Türkiyä belän NATO söyläşüläreneñ normal’ ağımında däwam itüen äytte. “Türkiyäneñ Şveśiyäneñ NATO äğ’zalığın raslaw mäs’äläsendä uñay noqtada buluın uylıym. Axır çiktä, qararnı Türkiyä çığaraçaq,”-dide ul.  

Kristersson 28 NATO däwläteneñ Şveśiyäneñ ittifaqqa kerüen uñaylawın xäterlätte. “Här ilneñ raslaw prośessına xörmät belän qarıybız. Şveśiyä häm Finlyandiyä Türkiyä belän (iyün’ ayında NATO sammitında imzalanğan) Öç’yaqlı memorandum yöklämälären cirenä citkerä. Türkiyäneñ Şveśiyädän sorağan êkstradiśiyäläre mäs’äläsendä, inde äytkänemçä, mäxkämä qarar çığaraçaq. Türkiyäneñ dä bezneñ nisbättän çığaraçaq qararına xörmät belän qarıybız,”-dip söyläde Şveśiyä xökümäte räise Ul’f Kristersson.