Türkiyä Vengriyağa üz raketa sistemasın täq’dim itte

Räsmi säfär qısalarında Vengriyağa kitkän Türkiyä sänäğät häm texnologiya ministrı Mostafa Varank başqala Budapeştta Türkiyä-Vengriya qatnaş iq’tisad komissiyasınıñ 8nçe cıyılışında qatnaştı.

Cıyılıştan soñ Vengriya tışqı êşlär häm säwdä ministrı Peter Szijjarto belän urtaq matbuğat oçraşuın oyıştırğan Varank tözelgän kiñäşmä mexanizmnarı häm salınğan investiśiyälär belän ike il arasındağı mönäsäbätlärdä iskitkeç dinamikağa ireşelüen belderde.

Türkiyäneñ ênergetikada märkäz bulu ölkäsendä täwäkkäl adımnar belän alğa baruın bilgeläp uzuçı Varank ike il arasında saqlanu sänäğätendäge xezmättäşlekkä dä iğ’tibarnı yünältte.

Türkiyäneñ Amerikada yasalğan “HIMARS” raketa sistemasına al’ternativ êşlänmälär mäs’äläsendä Budapeşt citäkçelegenä yärdäm itärgä äzer buluın citkerüçe Varank al’ternativ êşlänmälärneñ Türkiyädä êşläp çığarıluın iskärtep uzdı.

Vengriya tışqı êşlär ministrı Szijjarto da ike il arasında qoral satu kileşüeneñ buluına basım yasap: “Östäldä açıq täq’dimnär bar. Älbättä, böten bolarnı iñ êlek Saqlanu ministrlığı, annan soñ xökümät bäyäli,” – dip äytte.