Altun: “Türkiyäneñ kiläçägen törek watandaşları bilgeläyäçäk”

Fahrettin Altun “The National News” gazetında çıqqan “Dön’yanıñ qalğan öleşe Ärdoğannıñ yañadan saylanu tırışlığına niçek qarıy?" isemle yazmanı tänqıytläwçe xat yazdı.

Altunnıñ xatı bügen “The National News”ta basıldı.

Türkiyäneñ “DEAŞ” belän bergä dönyanıñ terror oyışması bularaq tanığan “PKK” häm bu oyışmanıñ Süriyä törkeme bulğan “YPG”gä qarşı alıp barılğan terrorçılıq belän köräş operaśiyälärendä aktiv rol’ne üz östenä aluın belderüçe Altun: "Bu töbäktä totrıqlılandıruçı rol’ uynaw mäs’äläsendä qatğıylıbıznı däwam itteräbez,” – dide.

Altun Ärdoğannıñ 24nçe fevral’dän birle däwam itüçe Rusiyä-Ukraina suğışında bigräk tä aşlıq cibärü häm äsir almaşudağı konstruktiv adımnarı belän töp rol’ uynawın da xäterlätte.

Şveśiya häm Finlyandiyanıñ NATOğa äğ’zalek möräcäğätläre mäs’äläsenä dä tuqtalıp uzuçı Altun Türkiyäneñ bu illärneñ qayber säyäsätlären küzdän kiçerüen teläwen belderde.

Türkiyäneñ tışqı häm milli iminlek säyäsätläreneñ törek milläteneñ mänfäğätlären çağıldıruına basım yasawçı Altun: "İlbaşı Ärdoğan liderlığında global’ aktyorğa äylängän ilebez xalıqara xoquq bozuların qabul itmiçä konstruktiv häm totrıqlılandıruçı adımnarnı yasawnı däwam itäçäk,” – dip äytte.

Gazet yazmasında Türkiyädä bıyıl uzdırılaçaq saylawnıñ barı tik cirle ähämiyätkä kenä tügel, geopolitik yoğıntılarğa da iyä bulaçağınıñ döres itep äytelüen belderüçe Altun İlbaşı Ärdoğannıñ regional’ häm global’ mäydanda möhim aktyor buluınıñ da döres buluın belderde.

İlbaşı idaräse êlemtä başlığı: "Çit il däwlätläreneñ närsä uylawınnan bäysez bularaq ilebezneñ kiläçägen barı tik saylawda tawış qullanaçaq törek watandaşları bilgeläyäçäk,” – dip bäyäläw yasadı.