"Türkiyä nıqlı sälamätlek saqlaw häm citeşterü asqorması yärdämendä başqalardan ayırılıp tordı"

Türkiyä ilbaşı Räcäp Tayyip Ärdoğan dön’yanıñ Kovid-19 êpidemiyäsennän soñ Rusiya - Ukraina suğışı kitergän iq’tisadi qıyınlıqlar belän köräşüen, Türkiyäneñ köçle sälamätlek saqlaw häm citeşterü asqorması näticäsendä bu prośesslarda uñay yaqtan ayırılıp toruın äytte.

 Ul bu xaqta başala Änkarada hönärçelär-säwdägärlär belän oçraşuda yasağan çığışında citkerde.

İlbaşı bilgeläp uzğança, dön’ya  Kovid-19 êpidemiyäse häm Rusiya - Ukraina suğışı arqasında azıq-tölek häm ênergiya belän täêmin itüdäge qıyınlıqlar belän bergä soñğı 60-70 yıl êçendäge iñ yuğarı inflyaśiya däräcäse belän köräşä.Türkiyä isä nıqlı sälamätlek saqlaw häm citeşterü asqorması yärdämendä üzen bu barışta uñay yaqtan kürsätte häm ayırılıp tordı.

”Bez üzebezneñ iq’tisad programmasın investiśiyälär, êş belän täêmin itü, citeşterü, ağımdağı profiśit yärdämendä ilebezne üsterügä nigezlänep tormışqa aşırdıq. Dön’ya reśessiya häm kimü, keçeräyü turında söyläşkändä bez 2021 nçe yılda 11,4%qa, 2022 nçe yılnıñ berençe 3 kvartalında 6,2% üseşkä ireştek. Êş belän täêmin itüdä 31,5 milliıon belän tarixıbıznıñ iñ yuğarı däräcäsenä ireştek. 254,2 milliard dollar külämendä êksport başqarıp cömhüriyät tarixında rekord quydıq. Qara diñgez gazınnan alıp yaña neft’ skvajinalarına ,qoyaş häm  cil êlektr stanśiyälärenä qadär här tarmaqta alğa barabız”,- dide ilbaşı Räcäp Tayyip Ärdoğan.