Şäntopnıñ parlament başlıqları belän ike yaqlı söyläşüläre

Şäntop Törekmänstan Milli Şurası mäcles başlığı Gülşat Mammedova belän küreşte.

Türkiyä belän Törekmänstannıñ urtaq tarix, tel, din häm mädäniyätläre belän ber-berlärenä bäyle ike qardäş il buluına işarät itüçe Şäntop qardäş xalıqlarnı wäkillek itüçe parlamentlar arasındağı bağlanışlarnıñ da tabiğıy bularaq xalıqları qadär yaqın buluı zarurlığına basım yasadı.

Törkiyä Böyık Millät Mäclese belän Xalıq Mäslaxatı arasında imzalanğan kileşü memorandumınıñ xezmättäşlekkä zur öleş kertäçägen bilgeläp uzuçı Şäntop: "Törki dönya bularaq berlek häm teläktäşlek êçendä xäräkät itüebezneñ xäzer bulğanı kebek kiläçäktä dä tınıçlıq, totrıqlılıq häm mullığıbıznıñ ışanıçı buluın uylıybız”, - dip äytte.

Tön'yaq Kipr Törek Cömhüriyäteneñ Cömhüriyät Mäclese başlığı Zorlu Törä belän dä küreşep söyläşkän Şäntop, Tön'yaq Kipr Törek Cömhüriyäteneñ Türkiyä öçen härwaqıt ayırım häm xosusıy urını buluın belderep: "Tön'yaq Kipr Törek Cömhüriyäteneñ här yaqtan üz ayaqları östendä tora alğan, xalıqara cämäğätçelek tanığan, xörmätle äğ’zasenä äylänüe öçen böten köçebez belän tırışırğa däwam itäbez,” – dip iskärtep uzdı.

Şäntop İran İslami kiñäşmä mäclese başlığı Möxämmäd Bager Galibaf belän söyläşüe waqıtında isä ike il arasındağı mönäsäbätlärneñ här ölkädä üseş aluın teläde.

Urtaq mänfäğätlär qısalarında ike yaqlı häm regional’ mönäsäbätlärne üsterügä ähämiyät birülären citkerüçe Şäntop Türkiyäneñ härwaqıt kürşeläreneñ iminlegenä häm totrıqlılığına ähämiyät birüenä basım yasadı.

Terrorçılıq belän köräştä ike il arasındağı xezmättäşlekne üsterüneñ zarurlığına işarät itüçe Şäntop: "Bez töbägebezdä terror oyışmaların tulısınça beterü öçen kiñ qırlı strategiyalarnı qamilläşterergä tiyış,” – dide.

Törkiyä Böyık Millät Mäclese başlığı Şäntop Ğıyraq Wäkillär palatası başlığı wäkile Muhsin Ali Äkbär Äl Mändälavi belän dä küreşep söyläşte.

Şäntop, ike il arasındağı xezmättäşlekneñ töbäktäge totrıqlılıq häm tınıçlıqnıñ urnaşuı häm saqlanuı öçen bik zur ähämiyätkä iyä buluın belderep: "Yaña xökümätneñ Ğıyraq xalqınıñ ömetlären qanäğätländeräçäk säyäsätlärne alıp baraçağın ömet itäbez, Ğıyraqnıñ yañadan tözekländerelüenä häm üseşenä qağılışlı tırışularnı êçkersez räweştä yaqlıybız,” – dip äytte.

Şäntop, “PKK” separatist terror oyışmasınıñ Ğıyraqtağı barlığına iğ’tibarnı yünältep, Ğıyraqnıñ üz qurqınıçsızlığın bozuçı “PKK”nı terror oyışması bularaq tanuı häm üz könstituśiyäsenä yaraşlı itep bu terror oyışması belän kiräkle köräşne alıp baruınıñ zarurlığın citkerde.