Qıtayğa İstanbuldan täwge oçış
Koronavirus kizüe çikläwläre beterelgännän soñ ike arada berençe reys başqarıldı
Qıtayğa, koronavirus kizüe başlanğaç 2020nçe yılnıñ martında kertelgän çik buyı kontrol’ çaraların ğamäldän çığarğannan soñ, İstanbuldan täwge oçış yasaldı.
Karantin tögällänü belän 8nçe ğıynvarda berençe xalıqara reys Qıtay aêroportlarına barıp citkän ide. Xäzer inde Türkiyädän dä tariflı säfär başqarıldı.
İstanbuldan Guançou şähärenä täwge oçışnı Qıtay hawa yulları şirkäte “China Southern Airlines” yasadı. Bu uñaydan uzdırılğan tantanada İGA aviaśiyäne üsterü mödire Mäcit Xan çığış yasadı. Ul säfärlärneñ Awrupanıñ iñ zur aêroportı - İstanbul aêroportınnan başqarıluın assızıqladı. Ul älege aêroportta qıtay yulçılar öçen bar närsäneñ dä buluın äytä. “Qıtay telendä söyläşüçe xezmätkärlärdän başlap, qıtayça yünältüçelärgä qadär bar,”-di Mäcit Xan.
