“Türkiyäneñ avtomobil’ proyektı dön’yada äydäp baruçı bulaçaq”
Bu xaqta Türkiyä sänäğat’ häm texnologiya ministrı Mostafa Varank belderde
Türkiyä sänäğat’ häm texnologiya ministrı Mostafa Varank “Türkiyäneñ avtomobil’ proyektı dön’yada törle ölkälärdä äydäp baruçı bulaçaq” dide.
Ul bu xaqta Amerika Quşma Ştatlarında CES 2023 qullanuçılar êlektronikası yärminkäsendä citkerde.
Varank biredä Türkiyäneñ cirle avtomobile “TOGG” stendında buldı.
”Türkiyä – avtomobil’ sänäğatendä bik köçle il, 30 milliard dollardan artıq êksport başqaruçı il. Bez “TOGG” kebek proyektlar belän üzgärüçe sänäğat’ne kiläçäkkä äzerlibez. Türkiyäneñ avtomobil’ proyektı dön’yada äydäp baruçı êşlärneñ berse bulaçaq”,- dide ministr Mostafa Varank.
“TOGG” avtomobilenä küp illärdän taläp buluın belderüçe Varank bolay dide: “Xäzerge waqıtta bezgä Urta Aziya, Yaqın Könçığış, Awrupa häm Afrika illärennän möräcäğät’ itälär. Bu maşinanı niçek satıp alırğa, bez bu maşinanıñ dilerı bulırğa telibez dilär. Bu proyekt - ürnäk bulırlıq proyekt”.
Mostafa Varank äytüençä, “TOGG” öçen aldan zakazlar fevral’neñ ikençe yartısında başlanaçaq.
“Mart azağında bez cirle avtomobil’lärne Türkiyä yullarında kürä başlayaçaqbız” dide Türkiyä sänäğat’ häm texnologiya ministrı.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı
