"Suğış köçäyäçäk kebek"

Türkiyä ilbaşı idaräse süzçese İbrahim Qalın Rusiya –Ukraina suğışı aldağı aylarda köçäyäçäk kebek dip belderde.

Ul bu xaqta üzeneñ sośial’ media akkauntında yazdı.

 “Rusiya - Ukraina suğışı aldağı aylarda köçäyäçäk kebek. Bu tağın da küp ülem, cimerelü häm ozaq waqıtlı tirän krizis digänne añlata. Türkiyä utnı tuqtatudan alıp totqın almaşuğa, aşlıq cibärüdän atom - töş qurqınıçsızlığına qadär barlıq ölkälärdä söyläşülärgä yul açu öçen bar köçenä tırışlıqların däwam itäçäk” diyelä anda.