Akar: “Türkiyä Ägäy diñgeze baylıqlarınıñ ğadel itep bülenüen yaqlıy”
Milli saqlanu ministrı Hulusi Akar Türkiyäneñ êçkersez räweştä yaxşı kürşe mönäsäbätläre êçendä Ägäy diñgezendäge baylıqlarnıñ ğadel itep bülenelüen yaqlawın belderde
Hulusi Akar Märmär diñgezendä test êtabında bulğan dönyanıñ berençe keşesez qorallı aviayörtkeçe häm Türkiyäneñ iñ zur xärbi qorabı bulu üzençälegenä iyä “Anadolu” köymäsen qaradı.
Akar biredä yasağan belderüendä Ägäydä häm Könçığış Urta diñgezdä Türkiyä belän Tön'yaq Kipr Törek Cömhüriyäteneñ xaq-xoquqların häm mänfäğätlären bäyäläde.
Greśiyanıñ provokativ ğamällären häm süzlären däwam itterüen citkerüçe Akar: “Türkiyä berkemgä dä yanaw tügel, ışanıçlı, köçle, täêsirle berlektäş. Monıñ şuşı räweşle belenüe kiräk,” – dip äytte.
Türkiyäneñ dialog çaqırularınıñ köçsezlek bularaq añlaşılawnıñ zarurlığına basım yasawçı Akar; “Samimi bularaq yaxşı kürşe mönäsäbätläre êçendä Ägäy diñgezendäge baylıqlarnıñ ğadel räweştä urtaqlaşıluı turında süz bara. Üzebezneñ häm Kipr qardäşlärebezneñ xaq-xoquqın bozuğa, hiçber buldı bettegä yul quymayaçaqbız,” – dip belderde.
Akar öçençe taraflarnı waqıyğağa ob’yektiv qararğa, êmośional’, aldan tiskäre qaraşlı bulmasqa çaqırdı.
Kipr temasın da “milli mäs’älä” dip bäyäläwçe Milli saqlanu ministrı: “Garantiya häm İttifaq kileşüläre nigezendä uzğan çaqta bulğanı kebek bügen dä bez Kipr qardaşlärebez belän bergä. Kipr mäs’äläsendä suveren, tigez, bäysez ike däwlät turında süz alıp barabız. Monnan arı mäs’älä bu däwlätneñ (Tön'yaq Kipr Törek Cömhüriyäte) tözelüe tügel, tözelgän bu däwlätneñ tanıluı mäs’äläse,” – dip äytte.
