Türkiyä daruları Gruziyädäge bäyälärne töşerde

Gruziyä xökümäte räise İrakli Garibaşvili Törkiyädän alınğan darular arqasında ilendä farmaśevtika tovarlarına bäyälärneñ 60-80%qa töşüen belderde. Baş ministr başqala Tbilisidä Xökümät yortında çığış yasap 2022nçe yılğa yomğaq yasadı.

Garibaşvili Gruziyäneñ cir bötenlege belän bäyle problemalar kiçerüen äytep, ilennän ber’yaqlı bularaq bäysezlegen iğ’lan itkän häm Rusiyä yaqlawı astındağı Abxaziyä belän Kön’yaq Osetiyä töbäklärendä keşelärneñ awır şartlarda yäşäwen söyläde. Ul ilneñ cir bötenlegen qabat täêmin itü öçen tınıç ısullarnı qullanunı däwam itäçäklären assızıqladı. Ägär näticädä êlekkege mäydannarnı qabat berläşterü barıp çıqsa, Garibaşvili Abxaziyä belän Kön’yaq Osetiyädä citdi iq’tisadi investiśiyälär tormışqa aşırırğa planlaştıruların citkerde.

Xökümät räise sälamätlek saqlaw tarmağında başqarılğan reformalarğa da qağıldı. Ul farmaśevtikada yuğarı bäyälärne töşerü öçen bazarlarnı Türkiyädän kiterelgän yuğarı sıyfatlı preparatlarğa açuların häm monıñ näticäsen kürülären söyläde. “Türkiyä bazarı Gruziyägä açılğannan soñ daru bäyälären 60-80%qa, ähämiyätle däräcädä töşerügä ireştek,”-dide İrakli Garibaşvili.