Soğud Ğaräbstanı şura cıyını räise Änkarada

Äl Şäyex bu säfärdä Türkiyä belän Soğud Ğaräbstanı parlamentları arasındağı bäyläneşlärneñ üstereläçägen häm xezmättäşlekneñ tağın da kiñäyäçägen citkerde

1923477
Soğud Ğaräbstanı şura cıyını räise Änkarada

Soğud Ğaräbstanı şura cıyını räise Abdullax bin Möxämmäd Al Şäyex räsmi oçraşular ütkärü öçen Türkiyä başqalası Änkarağa kilde. Ul Twitter akkauntı aşa yasağan belderüendä ike il arasındağı tarixi häm qardäşlek mönäsäbätlären assızıqladı.

Şura cıyını räise Äl Şäyex bu säfärdä Türkiyä belän Soğud Ğaräbstanı parlamentları arasındağı bäyläneşlärneñ üstereläçägen häm xezmättäşlekneñ tağın da kiñäyäçägen citkerde. Räsmi zat ilbaşı Räcäp Tayyip Ärdoğannıñ 28nçe aprel’dä Ciddädä Soğud Ğaräbstanı patşası Sälman bin Abdülaziz Al Suud belän oçraşuın häm Soğud Ğaräbstanı täxet prinśı Möxämmät bin Sälmannıñ 22nçe iyün’dä Änkarağa säfären xäterlätte.  

Türkiyä - Soğud Ğaräbstanı parlamentlararası duslıq törkeme äğ’zaları da 18nçe oktyabr’dä Soğud Ğaräbstanı başqalası Riyadta söyläşülär ütkärgän ide.



Bäyläneşle xäbärlär