Ärdoğan Soğud Ğaräbstanı parlamentı spikerın qabul itte
Bu ike il arasındağı mönäsäbätlärneñ caylaşuınıñ tağın ber êtabı
1923870
Türkiyä ilbaşı Räcäp Tayyip Ärdoğan Soğud Ğaräbstanı şura cıyını räise Abdullax bin Möxämmät Al Şäyexne qabul itte. Oçraşu başqala Änkarada ilbaşı rezidenśiyäsendä matbuğatqa yabıq räweştä uzdı. Anda Türkiyä Böyek Millät Mäclese räise Mostafa Şäntop ta qatnaştı. Spiker räsmi qunaq belän ayırım da oçraşqan ide. Şulay uq delegaśiyälärara söyläşü dä buldı.
Şäntop oçraşuda illär arasında êlemtälärneñ mönäsäbätlärne üsterü häm xezmättäşlekne köçäytügä öleş kertüen, säyäsi mäydandağı bäyläneşlärneñ iq’tisadi häm säwdä mönäsäbätlärenä köç östäyäçägen dä belderde. Ul Türkiyäneñ, bigräk tä, Farsı qultığı regionındağı illärneñ iminlek häm totrıqlılığına ähämiyät birüen assızıqlıy.
