Türkiyädän Qıtayğa terror reakśiyäse
Türkiyäneñ Berläşkän Millätlär Oyışması daimi wäkile Färidun Sinirlioğlu Türkiyäneñ Süriyädä “PKK/YPG” terror oyışması belän köräşe mäs’äläsendä gäyıpläwlär yasağan Qıtay wäkilenä kisken reakśiya kürsätte
BMO İminlek şurasında çığış yasawçı Sinirlioğlu, Türkiyäne "Süriyäneñ tön’yağın küp tapqır hawa höcümnäre häm tup yädräläre belän bärüdä häm ciröste xäräkäten başlatu belän yanawda” gäyıpläp, bu "höcümnärne xäzer ük tuqtatırğa” çaqırğan Qıtaynıñ BMO daimi wäkile urınbasarı Geng Shuangğa cawap birde.
Sinirlioğlu: "Hiçber ilneñ terrorçılıq belän köräşebez mäs’äläsendä bezgä däres birü xoquqı yuq. Bez bügen işetkän häm çik buylarıbız belän xalqıbıznı saqlağan çaqta bez närsä êşlärgä tiyış häm närsä êşlärgä tiyış tügel ikänlegen belderüçe açıqlawlarnı kire qağabız,” – dip äytte.
Türkiyäneñ terrorçılıq belän köräş qatğıylığınıñ “qaqşamas” buluın, xalıqnı saqlaw häm çik buyı iminlegen täêmin itü öçen kiräkle här adımnı yasarğa däwam itäçägen belderüçe Sinirlioğlu soñğı ike yılda Süriyäneñ tön’yağında “PKK/YPG” höcümnärendä 500dän kübräk süriyäleneñ häläq buluın citkerde.
Sinirlioğlu: "“PKK/YPG/SDG” tön’yaq-könçığışta xalıqqa basım yasıy häm separatist kön tärtiben alıp bara. “DEAŞ” belän köräş sıltawı belän şuşı terrorçı/separatist oyışmağa bulışlıq itü bar närsädän êlek Süriyäneñ cir bötenlegenä qarata köçle tuğrılığın raslawçı BMO qararlarına tiskäre,” – dip bilgeläp uzdı.
Bäyläneşle xäbärlär
Terrorçını İstanbulda êläkterdelär
Saim Çakmak “PKK/KCK” separatist terror oyışmasınıñ Germaniyädäge törkemennän cawaplı bula
