Türkiyä poliśiyäse Katardağı burıçın uñışlı tämamladı
Dön’ya kubogında sport qurqınıçsızlığı buyınça belgeç 2 meñ 242 personal 64 sport çarasında wazıyfa başqardı
Türkiyä poliśiyäse Katarda uzğan 2022 nçe yılğı futbol buyınça Dön’ya kubogında üz burıçın uñışlı tämamladı.
İminlek ğomum mödirlege xäbär itkänçä, Dön’ya kubogında sport qurqınıçsızlığı buyınça belgeç 2 meñ 242 personal 64 sport çarasınıñ barısında da qatnaştı.
Dürt yıl êlek başlanğan äzerlek êşlärennän soñ Türkiyä poliśiya wazıyfa başqaru törkeme oktyabr’ başında Katarğa kitte, katarlı xezmättäşläre häm başqa illärneñ qurqınıçsızlıq köçläre belän koordinaśiyäle räweştä êşli başladı.
Türkiyädän kilgän üz ölkälärendä belgeç 2 meñ 242 xezmätkär çempionat däwamında barlıq stadionnarda, festival’ mäydanında häm başqa kiräkle urınnarda turnir aldınnan häm turnir waqıtında täwlek buyı wazıyfa başqardı.
Yaxşı oyıştırılğan profilaktik häm qurqınıçsızlıq çaraları arqasında êlegräk uzğan futbol çempionatlarında bulğan ükeneçle waqıyğalar bulmadı.
Bu qısada yaxşı planlaştıru häm döres strategiya yärdämendä 2022 nçe yılğı Bötendön’ya futbol çempionatı tınıç häm ışanıçlı atmosferada uzdı.
Türkiyä poliśiyäse diśiplina häm täcribälären xezmättä çağıldırıp bu uñışqa möhim öleş kertte häm härkemneñ, ayıruça Katar xakimiyäteneñ xuplawın aldı.
Türkiyä polisiyäse FİFA cawaplılığında bulğan 40 meñ keşelek tarafdar cıyılu mäydanı (Fanfest) , 8 stadion, komandalar urnaşqan qunaqxanälä , taqımnarnıñ lager’ häm künegülär mäydannarı, bilet satu üzäklare häm akkreditaśiya üzägendä barlığı 64 yarışta xezmät kürsätte.
