"Migraśiya probleması regional’ tügel, ä global’ "
Bu xaqta Türkiyä Böyek Millät Mäclese başlığı Mostafa Şäntop belderde

Türkiyä Böyek Millät Mäclese başlığı Mostafa Şäntop migraśiya mäs’äläseneñ global’ problema buluın belderde.
Ul bu xaqta başqala Änkarada Bolgariya parlament başlığı Vejdi Raşidov belän ütkärgän urtaq matbuğat oçraşuında citkerde.
Şäntop 24 nçe fevral’dä başlanğan Rusiya - Ukraina suğışı belän küçenüneñ artuına basım yasadı.
Mostafa Şäntop awrupalı parlamentariylar qatnaşında migraśiyägä qağılışlı cıyılış ütkärüneñ faydalı bulaçağın äytte.
”Ukrainadan küçenüneñ çiktäş illärdä, soñraq barlıq Awrupa illärendä migraśiya probleması tudıruın beläbez”,- dide ul.
Türkiyä Böyek Millät Mäclese başlığı Mostafa Şäntop migraśiya problemasınıñ regional’ tügel, ä global’ buluın iskärtep, çişeleşneñ dä global’ bulırğa tiyeşlegen assızıqladı.
Şentop:” Bez, Türkiyä bularaq, bu problemanı qayber illärgä genä awdarıp qalunıñ döres tügellegen gel äytep kildek. Monıñ global’ problema buluın häm global’ qararlar çığarılırğa tiyeşlegen äyttek”,- dide.
Bolgariya parlamentı başlığı Vejdi Raşidov Türkiyäneñ küçenügä qarşı köräştäge uñışlarına basım yasadı.