"Terrorçılar cawap biräçäk"

İlbaşı idaräseneñ êlemtä räislege başlığı Faxrettin Altun soŝial’ säxifädä açıqlaw yasap: “Höcümne oyıştırğan terrorçılar monıñ öçen cawap biräçäk. Terrorçılıqqa qarşı köräşebez här ölkädä däwam itä,” – dide.

İlbaşı idaräse süzçese İbrahim Kalın da açıqlawında bolay dip belderde: “Diyarbakırdağı bombalı höcümne läğnätlibez. Yaralanğan poliŝiya qardäşlärebezgä şifalar telibez. Höcümçelär cäzasız qalmayaçaq. İlebezneñ xozur häm iminlegenä yanawçılar monıñ öçen cawap biräçäk.”

Ğadälät häm qalqınu partiyase süzçese Ömer Çelik tä: “Diyarbakır poliŝiyasenä oyıştırılğan höcümne läğnätlibez. Poliŝiya xezmätkärlärebez terelsen. Diyarbakır äniläreneñ doğaları alar belän bulsın. Diyarbakır - xozur häm iminlek şähäre. Bu höcümne oyıştıruçılarğa layıqlı cawap qaytarılaçaq,” – dide.

Milli saqlanu ministrlığınnan yasalğan yullamada tübändäge yullar urın ala: “Xärbilär, poliŝiya xezmätkärläre belän ber rättän millätebezneñ xozurı häm iminlege öçen wazifa başqaruçı barlıq iminlek berämlekläre terror oyışmalarına qarşı iñne iñgä quyıp köräşergä däwam itäçäk. Qayda ğına bulsalar da, xalqıbıznı terror bälasınnan qotqaru öçen köräşebez aktiv häm täwäkkäl räweştä baraçaq.”