Ärdoğan: “Bez Bolgariya belän mönäsäbätlärne tağın da üsterü ölkäsendä urtaq iradägä iyä”

Türkiyä İlbaşı Räcäp Tayyip Ärdoğan Bolgariya belän säwdä külämen 10 milliard dollarğa citkerüne maqsat itülären äytte

1917106
Ärdoğan: “Bez Bolgariya belän mönäsäbätlärne tağın da üsterü ölkäsendä urtaq iradägä iyä”
Rumen Radev-Erdogan.jpg
Rumen Radev-Erdogan.jpg
erdogan.jpg

Bolgariya İlbaşı Rumen Radev Ärdoğannıñ çaqıruı qısalarında Türkiyägä êşlekle säfär yasadı.

İstanbulda Vahdättin utarında üzara küreşep söyläşkän Ärdoğan häm Radev annan soñ wäkilleklärara söyläşülärne citäkläde.

Regional’ mäs’älälär belän bergä ike yaqlı mönäsäbätlär bäyälängän söyläşülärdän soñ ike Däwlät başlığı urtaq matbuğat oçraşuın oyıştırdı.

İlbaşı Ärdoğan söyläşülär waqıtında ike yaqlı, regional’ häm global’ ülçämdä mönäsäbätlärne tağın da üsterü ölkäsendä urtaq iradägä iyä buluların tağın ber qat raslawların äytte.

Tärtipsez (qanunsız) migraśiyanıñ idaräsendä êffektiv xezmättäşlekneñ urnaştırıluınıñ zarurlığına tuqtalıp uzuların belderüçe Ärdoğan iq’tisad häm säwdä êlemtälären dä täfsille itep qarap çığuların citkerde.

Uzğan yılda ike il säwdä külämeneñ 6 milliard dollarğa citüen iskärtep uzuçı Ärdoğan: "Urtaq maqsatıbız isä bügenge söyläşülärdän soñ monı 10 milliard dollar däräcäsenä qısqa waqıtta citkerü. Bolgariya yağındağı çik buyı qapqalarınıñ modernizaśiyäseneñ tämamlanuı häm bigräk tä azıq-tölek kontrole asqormasınıñ köçäytelüe belän xezmättäşlegebez tağın da kübräk üseş alaçaq”, - dide.

Bolgariya törekläreneñ ike il arasında köçle küñel küperen täşkil itüenä basım yasawçı Ärdoğan urtaq mädäni mirasnı bergä saqlawğa iğ’tibar kürsätülären, Razgradtağı Maktul İbrahim Paşa mäçeteneñ restovraśiyälänep ğıybadätkä açıluın teläwlären äytte.



Bäyläneşle xäbärlär