Türkiyä belän Tön’yaq Kipr arasında urtaq künegülär

Türkiyä afat häm ğadättän tış xällär idaräse (AFAD) belän Tön'yaq Kipr Törek Cömhüriyäte grajdan saqlanu oyışması urtaq êzläw qotqaru künegülären ütkärde

1916395
Türkiyä belän Tön’yaq Kipr arasında urtaq künegülär

Türkiyädän häm Tön'yaq Kipr Törek Cömhüriyätennän 250dän kübräk personal, 1 xärbi boralaq häm 100dän kübräk transport texnikası qatnaşuında oyıştırılğan künegülär waqıtında cirteträw, yanğın, yul hälakäte, tawda qamalıp qalu, qırda yuğalu häm qoyı qazaları kebek 15 törle sśenariy belän şähär şartlarında êzläw, qotqaru, cimerelgän bina qaldıqları astınnan yaralanuçılarnı çığaru, boralaq belän êvakuaśiyäläw häm yanğınnı sünderü êşçänlege başqarıldı.

Başqala Lefkoşa belän bergä 4 rayonda ütkärelgän künegülär belän här ike il törkemnäreneñ koordinaśiyası häm täcribä urtaqlaşuı belän bergä Tön'yaq Kipr Törek Cömhüriyätendä barlıqqa kilä alaçaq afät ixtimalında ixtıyac toyılaçaq xalıqara yärdämneñ ilgä kilep citüennän kitkänçegä çaqlı bulğan barış bäyälände.

AFAD Afätlär belän köräş ğomum mödire İsmail Palakoğlu Türkiyä belän Tön'yaq Kipr Törek Cömhüriyäteneñ afät töbägendä urnaşuın, şuña kürä ike ilneñ dä afätlärgä qarşı äzer bulırğa tiyışlegen belderde.

Künegülärneñ Lefkoşada 7,7 zurlığında cirteträwneñ barlıqqa kilüe häm Türkiyädän yärdäm soraluı sśenariyı belän başlanuın äytüçe Palakoğlu künegülärneñ ike il törkemnäreneñ koordinaśiyäle êşläwenä, xezmättäşlekneñ üsterelüenä, mäğ’lümat häm täcribä belän urtaqlaşuğa häm kimçeleklärne kürep aluğa öleş kertüen iskärtep uzdı.



Bäyläneşle xäbärlär