AQŞ öyrätkän terrorçı yuq itelde
AQŞ köçläre tarafınnan öyrätelgän häm Türkiyädäge terraktlarda öleşe bulğan PKKlını täêsirsez xälgä kiterdelär
Süriyäneñ tön’yağında separatist terrorçı oyışma PKK/YPGneñ Cäzirä regionı öçen cawaplı “Roj Xabur” kod iseme belän yörtelüçe äğ’zası - Ciwana Xeso täêsirsez xälgä kiterelde.
Anıñ urının Türkiyä milli küzläw oyışması bilgeli häm operaśiyä oyıştıra. Terrorçınıñ töbäktäge AQŞ köçläre tarafınnan öyrätelüe bilgele. Soñınnan ul üze oyışma äğ’zalarına üterülärne planlaştırıp tormışqa aşırırğa öyrätä başlıy. Türkiyädä terrakt başqaruçılarnı citeşterüdä dä anıñ öleşe zur. Xeso öyrätkän terrorçılar “Solıx çişmäse” xäräkäte töbäge belän Mardin, Şırnak yaqlarında iminlek köçlärenä höcümnär oyıştıra.
Êşçänlege arqasında Türkiyä milli küzläw oyışmasınıñ qara isemlegenä kergän terrorçını agentlar êzärlekli. Ozaq waqıt küzätelgännän soñ anı iñ unaylı waqıtta operaśiyä oyıştırıp saqçıları belän bergä täêsirsez xälgä kiterälär.
