Aşlıq koridorınnan küpme aşlıq çığarıldı?

Rusiyä-Ukraina suğışı arqasında barlıqqa kilgän azıq-tölek krizisı riskınıñ beterelüenä qarağan Türkiyäneñ tırışlığı belän barlıqqa kiterelgän aşlıq koridorı aşa bügengä qadär 13 million tonnadan artıq aşlıq çığarıldı.

Milli saqlanu ministrlığınıñ yazma açıqlawında Ukrainadan berençe köymäneñ 1 avgustta kukuruz töyäp, çığuı xäterlätelde.

Açıqlawğa kürä bügengä qadär 520 köymä aşlıq öçen Ukrainağa yul tottı.

Açıqlawda bolay diyelä: “524 köymä Ukrainadan aşlıq çığardı. Bu köymälär belän barlığı 13 million tonnadan artıq aşlıq çığarıldı. Köymälärdä kukuruz, boday, könbağış, könbağış mayı, çögender, soya, borçaq häm arpa taşıldı.”