“Türkiyä - dön’yada maqsatçan yalğan xäbärlärgä bik yış duçar bulğan illärneñ berse”

Türkiyä ilbaşı Räcäp Tayyip Ärdoğan İstanbulda ilbaşı idaräseneñ êlemta bülege ütkärgän 2 nçe Xalıqara strategik êlemtä sammitına videoyullama cibärde.

Ärdoğan üz yullamasında śifrlaştıru belän êlemtä çaralarında häm xäbär çığanaqlarında da zur üzgäreşlär buluın assızıqladı.

”Älbättä, här yañalıq kebek, êlemtä ölkäsendäge üzgäreşlär dä mömkinleklär belän bergä qurqınıçlar da kiterä”,- dide ilbaşı.

Ul sanlı dairälärneñ däwlätlär arasındağı kiyerenkelektä häm köndäşlektä töp psixologik operaśiya êlementı bularaq yış qullanıluına basım yasadı.

“Türkiyä stategik urını, üzençälekle säyäsätläre, regional’ häm global’ problemalardağı prinśipial’ totışı belän dön’yada maqsatçan yalğan xäbärlärgä bik yış duçar bulğan illärneñ berse”,- dide Ärdoğan.

Ul xalıqara medianı terror ğamällärendäge ikeyözle totışı öçen tänqit’läde, monıñ açıq ürnägen 13 nçe noyabr’dä İstanbuldağı İstiklal uramında  bulğan terror höcümennän soñ kürülären belderde.

İlbaşı Ärdoğan 2 nçe Xalıqara strategik êlemtä sammitı üzara fiker häm täcribä urtaqlaşılaçaq mäydan bularaq êlemtä êkosistemasına yaña sulış kiterer dip ömetlänüen dä citkerde.