Altun: “Türkiyä totrıqlılandıruçı köçkä äylände”

Fahrettin Altun İstanbulda oyıştırılğan Xalıqara strategik êlemtä sammitında çığış yasadı.

Türkiyäneñ xalıqara ölkädäge rolenä iğ’tibarnı yünältüçe Altun: “Global’ bilgesezleklär çorında Türkiyä İlbaşıbız Räcäp Tayyip Ärdoğan liderlığında totrıqlılandıruçı köçkä äylände. Türkiyä regional köç häm global’ uyınçı bularaq barı tik totrıqlı il bulunı maqsat itep kenä almıy, ber ük waqıtta tirä-yağın totrıqlılandıruçı köç bularaq aktiv tışqı säyäsät citeşterüçänlegen bilgele itä. Monıñ iñ soñğı ürnäge, xörmätle İlbaşıbıznıñ 24nçe fevral’dä başlanğan Rusiyä-Ukraina suğışı barışında tormışqa aşırğan tınıçlıq diplomatiyası”, - dip äytte.

Fahrettin Altun Türkiyäneñ “tağın da gädelräk dönya mömkin” şiğare belän alıp barğan xaqıyqät köräşen êlemtä ülçämendä alıp barırğa tırışuın belderde.

Şul uq waqıtta könbatış mediağa bäyle dönya qaraşı östenä salınğan global’ säyäsät häm iq’tisad tärtibeneñ bügen qorılış (struktural’) problemalar, krizislar, tupiklar häm bilgesezleklär êçendä buluın iskärtep uzuçı Altun: "Yaña media texnologiyaları aşa bez duçar bulğan yanawlarğa qarşı urtaq köräş alıp baruıbız kiräk”, - dip bäyäläde.

Êlemtä başlığı Altun: "Bez xaqıyqät ar’yağındağı çorda (Post truth) kiber watannarıbıznı dezinformaśiyälärdän, manipulyaśiyälärdän, yoğıntı agentlarınnan, kiber êkspluataśiyädän häm yawlap aludan saqlarğa mäcbürbez”, - dip belderde.