Türkiyädä qayber şirkätlärneñ aktivları tuñdırıldı

Türkiyä 17 keşeneñ häm 4 şirkätneñ milegen tuñdırdı

1913485
Türkiyädä qayber şirkätlärneñ aktivları tuñdırıldı

Türkiyä terror oyışmalarına finanslaw täêmin itüe yünäleşendä nigezle säbäplär arqasında “DEAŞ” terror oyışması belän bäyläneşle qayber fizik häm yuridik zatlarnıñ ildäge milegeneñ tuñdırıluı qararın qabul itte.

Türkiyä kazna häm finans ministrlığı äzerlägän "Milekneñ tuñdırıluı qararı" “Räsmi Gazete”neñ bügenge sanında basılıp ğamälgä kerde.

Monıñ nigezendä “Terrorçılıqnıñ finanslawın totqarlaw qanunı” qısalarında "terrornıñ finanslanuı” cinayäte qısasına kergän ğamällärne başqarularına qağılışlı nigezle säbäplärneñ bar buluı arqasında “DEAŞ” belän bäyläneşle 17 keşe häm 4 yuridik zatnıñ Türkiyädä bulğan milekläre tuñdırıldı.

Milekneñ tuñdırıluı qararına kilengän “DEAŞ” belän bäyläneşle fizik zatlarnıñ Maher Dughaim, Hassan Dgaim, Badea Hakmi, Najib Balek, Mustafa Arja, Radwan Saksouk, Mohamed Alla Saksouk, Hasan Saksouk, Hussain Hussain, Khaled Saksouk, Mhd Rateb Khattab, Zouhair Sahloul, Ahmed Obisi, Mejid Sukariye, Yasser Kibar, İhsan Mahdi Salih Salih, Imed Ben Salah buluı belderelde.

“DEAŞ” belän bäyläneşle yuridik zatlar isemlegendä isä “DXN Milano” komissiya säwdä çiklängän cawaplılıqlı kompaniya, “Al Marai” import êksport sänäğät häm säwdä çiklängän cawaplılıqtağı kompaniya, “RSaksouk Gold International” import êksport sänäğät häm säwdä çiklängän cawaplılıqtağı kompaniya häm “Universal Logistic” import êksport yärminkä säwdä çiklängän cawaplılıqtağı kompaniya bar.



Bäyläneşle xäbärlär