Akar - Ostin söyläşüe

Türkiyä milli saqlanu ministrı Hulusi Akar AQŞ saqlanu ministrı Lloyd Djeyms Ostin belän telefonnan söyläşte.

Söyläşüdä ike yaqlı häm regional’ saqlanu, qurqınıçsızlıq mäs’äläläre quzğatıldı.

Söyläşü barışında Akar Türkiyä häm AQŞnıñ ike möhim berlektäş buluına basım yasadı, terrorğa qarşı operaśiyälärneñ Berläşkän Millätlär Oyışması kileşüeneñ 51 nçe maddäsendä urın alğan üz-üzeñne legal’ saqlaw xoquqları qısalarında alıp barıluın añlattı.

Hulusi Akar terrorçılıqqa qarşı köräştä xezmättäşlek häm berdämlekneñ regional’ häm global’ tınıçlıqqa, qurqınıçsızlıqqa yärdäm itäçägen belderep, Türkiyäneñ bu qısada “DEAŞ” häm başqa barlıq terror oyışmalarına qarşı xezmättäşlekkä äzer buluın citkerde.

Türkiyä ministrı terrorğa qarşı köräş operaśiyälärendä berdänber maqsatnıñ terrorçılar buluın, koaliśiya köçlärenä yäki tınıç xalıqqa zıyan kiterelmäwen dä assızıqladı.