Çavuşoğlu: “NATO berlektäşlärebezdän yaqlaw kötäbez”

Türkiyä Tışqı êşlär ministrı Mäwlüt Çavuşoğlu: "Türkiyäne totqarlarğa tırışuçı kereşülärne küräbez. NATO berlektäşlärebezdän yaqlaw kötäbez"

1913076
Çavuşoğlu: “NATO berlektäşlärebezdän yaqlaw kötäbez”

Tışqı êşlär ministrı Mäwlüt Çavuşoğlu Türkiyäneñ Süriyäneñ tön’yağındağı “PKK/YPG” separatist terror oyışmasına qarşı ütkärelüe mömkin ciröste xäräkäte belän bäyle bularaq: "Türkiyäne totqarlarğa tırışuçı kereşülärne küräbez. NATO berlektäşlärebezdän yaqlaw kötäbez”, - dide.

Çavuşoğlu Rumıniya başqalası Buxarestta ütkärelgän NATO tışqı êşlär ministrları cıyılışınnan soñ oyıştırğan matbuğat oçraşuında kön tärtiben bäyäläde.

Amerika Quşma Ştatları belän bergä “Süriyädäge terror tämeklären hawadan bäregez, ciröstennän kermägez” kebek Türkiyäne totqarlarğa tırışqan kereşülär buluına basım yasawçı Çavuşoğlu Türkiyäneñ berlektäşlärennän yaqlaw kötüen belderde.

Çavuşoğlu: "AQŞ belän bergä qayber berlektäşlärneñ Süriyädäge terror oyışmalarına kürsätkän yärdäme açıqtan-açıq kürenä. Şuña kürä mondıy yärdämnärne beterüneñ zarurlığın äytäbez”, - dide.

Şveśiya häm Finlyandiya belän öç yaqlı memorandumnı bäyäläwçe Çavuşoğlu: "Yasalğan adımnarnı häm Şveśiyadağı yaña xökümätneñ täwäkkällegenä, monnan aldağı xökümättän tağın da täwäkkäl bulularına basım yasadıq häm bolarnı qanäğätlelek belän qarşılawıbıznı da äyttek. Ämma älegä cinayätçelärneñ qaytarıluı, terror milegeneñ tuñdırıluı kebek ildäge (Şveśiyadäge) terror êşçänlegeneñ beterelüe öçen anıq adımnı kürmäwebezne äyttek”, - dip belderde.

Türkiyä 28nçe iyün’dä İspaniya başqalası Madridtäge NATO sammitında äğ’zalek möräcäğäten yasağan Finlyandiyanı häm Şveśiyanı veto itä. Terror oyışmaların açıqtan-açıq yaqlawçı ike il belän protokol imzalağan Änkara birelgän süzlärneñ ütälüen kötä.



Bäyläneşle xäbärlär