Çavuşoğlu: “Barış uñay bara, ämma äle haman yasaluı zarur adımnar bar”

Türkiyä Tışqı êşlär ministrı Mäwlüt Çavuşoğlu Şveśiya belän Finlyandiyanıñ NATO äğ’zalege öçen Türkiyä belän tözelgän öç yaqlı memorandum qısalarında yasalğan adımnar belän bäyle bularaq: "Barış uñay bara, ämma äle haman yasaluı zarur adımnar bar”, - dide

1912227
Çavuşoğlu: “Barış uñay bara, ämma äle haman yasaluı zarur adımnar bar”

Mäwlüt Çavuşoğlu başqala Änkarağa kilgän Törekmänstan Ministrlar Şurası başlığı urınbasarı häm tışqı êşlär ministrı Raşid Märädov belän ütkärgän urtaq matbuğat oçraşuınnan soñ jurnalistlarnıñ sorawlarına cawap birde.

Şveśiya (Швеция) belän Finlyandiyanıñ NATO äğ’zalege öçen iyün’ ayında İspaniyada tözelgän öç yaqlı memorandumnı bäyäläwçe Çavuşoğlu, Rumıniya başqalası Buxarestta ütkäreläçäk NATO tışqı êşlär ministrları cıyılışına işarät itep: "Küp sanda ike yaqlı söyläşü dä bulaçaq. Mäsälän, Germaniya tışqı êşlär ministrı (Annalena) Baerbock häm Angliya tışqı êşlär ministrı (James) Cleverly belän küreşep söyläşerbez. Şveśiya häm Finlyandiya tışqı êşlär ministrları belän dä Buxarestta öç yaqlı formatta oçraşırbız”, - dip äytte.

Çavuşoğlu: "Memorandumdağı yöklämälärneñ qayberäwlären ütädelär, ber öleşen dä ütämädelär. Yäğ’ni älegä qayber anıq adımnarnı yasamadılar. (Terrorçılarnıñ) qaytarıluı häm qanuni tärtipkä salularğa qağılışlı konkret kötelgännärne ütämädelär. Parlamentıbıznıñ häm watandaşıbıznıñ ışanuı kiräk. İlbaşıbız (Räcäp Tayyip Ärdoğan) da Şveśiya Baş ministrına (Ulf Kristerssonğa) bu mäs’älälärne citkerde. Qısqası, barış uñay bara, ämma äle haman yasaluı zarur adımnar bar”, - dip belderde.

Çavuşoğlu ike ilneñ şartlarnı ütäwe belän bäyle bularaq isä: "Finlyandiya belän bäyle awırlıqlar ul qadär zur tügel. Kübräk Şveśiyada problemalarıbız bar, nigezdä tağın da kübräk adım yasawı zarur il Şveśiya”, - dip iskärtep uzdı.



Bäyläneşle xäbärlär