AQŞ Türkiyäneñ üzen yaqlarğa xoquqlı buluın belderde

AQŞta Aq Yort milli iminlek şurası strategik êlemtä mödire Djon Kirbi Türkiyäneñ kön’yaq çigendä terrorçılıq yanawı belän oçraşuın häm üzen yaqlarğa xoquqlı buluın belderde. Ul Zoom aşa uzğan brifingta Aq Yort xäbärçeläreneñ sorawlarına cawap birde.  

“Türkiyä, bigräk tä, kön’yağında terror yanawınnan integä. Älbättä, alarnıñ üzlären häm watandaşların yaqlarğa tulı xoquqları bar,”-dide Kirbi.

Wäqalätle zat regionda üzlaren qızıqsındırğan noqtanıñ isä “SDG” iseme astında êş itüçe YPG/PKKnıñ DEAŞ terrorçı oyışması belän köräşe ikänen äytte.  “Töbäktäge ber operaśiyä xezmättäşebez SDGnıñ DEAŞ belän köräş mömkinleklären çiklärgä mömkin. SDG belän monıñ öçen xezmättäşlek itäbez häm DEAŞqa basımnı däwam itärgä telibez,”-dide Aq Yort milli iminlek şurası strategik êlemtä mödire Djon Kirbi.