Akar “Pänçä-qılıç” xäräkäteneñ näticäsen açıqladı
Türkiyä Milli saqlanu ministrı Hulusi Akar Ğıyraq belän Süriyäneñ tön’yağındağı terror tämeklärenä oyıştırılğan “Pänçä qılıç” xäräkäteneñ başınnan alıp bügengä qadär 184 terrorçınıñ täêsirsez xälgä kiterelüen belderde
Hulusi Akar Ciröste köçläre komandalığında Törek qorallı köçläre citäkçeläre belän bergä Xäräkät üzägendä buldı.
“Pänçä qılıç” xäräkäte belän Ğıyraqnıñ tön’yağındağı Kandil, Asos, Hakurk belän Süriyäneñ tön’yağındağı Arap Pınarı, Münbiç, Zor mäğarä töbäge, Täl Rıfat, Cizirä häm Därik töbäklärendäge tämeklärgä ut açıluın belderüçe Akar xäräkätneñ berençe êtabında terrorçılarğa qarağan sıyınır urınnar, mäğarä, tunnel, saqlağıçlar belän bergä 89 tämekneñ yuq itelüen iskärtep uzdı.
Separatist terror oyışmasınıñ zur tarqalu êçendä buluın äytüçe Milli saqlanu ministrı:
"Monnan arı xisap birü waqıtı dibez. Monnan êlek başqarğannarı belän bergä uzğan atnada Bäyoğlunda (6 keşe ülgän), kiçä dä çik buyında Öncüpınarda häm Karkamışta (ber bala belän bergä 2 keşeneñ ğomere özelgän) yasağan qabaxätlekläreneñ barısınıñ da xisabın sorıybız. Bolarnıñ xisabın biräçäklär. Şähitlärebezneñ, watandaşlarıbıznıñ qannarınıñ xisabın sorarğa däwam itäçäkbez.
“Pänçä qılıç” xäräkäteneñ başınnan alıp bügengä qadär ciröste ut qoralları häm oçqıçlar belän 184 terrorçı täêsirsez xälgä kiterelde. Bu sannıñ tağın da artaçağın uylıybız. İñ soñğı terrorçı täêsirsez xälgä kiterelgängä qadär köräşebez däwam itäçäk.
Törek qorallı köçläre êşçänlekneñ planlaştırıluında bulmasın, başqarıluında bulmasın, tınıç xalıqqa, tirä-yaq moxitqa, tarixi, mädäni häm dini qorılmalarğa zarar kiterelmäwe öçen hiçber armiya çağıldırmağan sizgerlekne kürsätä. Törek ğaskäre böten şuşı sizgerlekläre qısalarında yasaluı zarur bulğannı axırğaça başqaraçaq”, - dip belderde.
