"Höcümdä yaralanğan 81 keşedän 71e sawığıp çıqtı, 8 keşene däwalaw däwam itä, 2 keşe reanimaśiyädä”
Bu xaqta Türkiyä sälamätlek saqlaw ministrı Fäxrettin Koca belderde
Türkiyä sälamätlek saqlaw ministrı Fäxrettin Koca üzeneñ sośial’ media akkauntında İstanbuldağı terror höcümendä yaralanuçılarnıñ sälamätlek torışı xaqında mäğ’lümat birde.
”İstanbulda İstiklal uramındağı terror höcümendä yaralanğan 81 keşedän 71e sawığıp çıqtı, 8 keşene däwalaw däwam itä, 2 keşe reanimaśiyädä” dip yazdı ministr.
Şul uq waqıtta höcüm buyınça tikşerü däwam itä.
17 keşe saq astına alınğan tikşerüdä höcüm başqarğan terrorçılarğa yärdäm itkän tağın 8 keşe qulğa alındı.
Tikşerü qısalarında Bolgariyada da 5 keşene êläkterdelär.
13 nçe noyabr’dä İstanbulnıñ İstiklal uramında bulğan terror höcümendä 6 keşe ülgän, 81 keşe cäräxätlängän ide.
Bäyläneşle xäbärlär
Terrorçını İstanbulda êläkterdelär
Saim Çakmak “PKK/KCK” separatist terror oyışmasınıñ Germaniyädäge törkemennän cawaplı bula
